Hindustani bhau on anushka sharma film bulbbul: bigg boss 13 ke contestant rahe Hindustani bhau ne bulbbul mein bhagavan ka apamaan karane ka aarop lagate hue. Savaal kiya ki aise logon par karravai ki jayengi?


Actress Anushka Sharma ke produced mein bani film bulbbul 24 june ko digitally release ho chuki hai. Film ko lekar logon ne mix pratikriya di hai. Vahee, ab bigg boss 13 ke contestant rahe Hindustani bhau ne bulbbul mein bhagavan ka apamaan karane ka aarop lagaaya hai. Unhonne savaal kiya ki aise logon par kaarravai ki jayengi? bata den ki isase pahale Hindustani bhau ne Ekta Kapoor par Indian soldiers ka apamaan karane ka aarop lagaaya tha.


Hindustani bhau ne apane Twitter handle par likha, Anushka Sharma ki bulbbul web series par bhagavaan Shree Krishna aur Radha ko gandi bhasha se apamaanit kiya hai, kya aise logon par ye sarkar karravai karegee? ab tak Ekta Kapoor par koi bhi kaarravai kyon nahin kee? kab tak aise log hamare desh ko badanaam karenge.

Anushka Sharma ki film bulbbul Bengal ki kahani par aadharit hai. Anvita Dutt ke Direction mein bani is film mein Rahul bose, Trupti Dimari aur Avinash Tiwari jaise kalakaar lead roles mein hain. Film mein Rahul bose double role me hai.

Hindustani bhau social media par kafi active rahate hain. Vah aksar tweets, photos aur video ko lekar charcha mein rahate hain. Unhonne apane alag andaaj se bigg boss 13 mein bhi jamakar dhamaal machaaya aur logon ka dil jeeta tha.